Пт. Фев 23rd, 2024

Цифрлық технологиялардың дәуірінде жастардың алдында бәсекеге қабілетті болу шарты тұр. Ал оған жетудің формуласы айқын — сапалы білім алу, озық технологияларды игеру, тәжірибе алмасу. 

Еліміздің техникалық бағыттағы жетекші оқу орындары осы үш бағытты студенттерге ұсынуда бірқатар жобаларды қолға алған.

Жалпы, елде білімін шыңдаған жастар, кейін әлемдегі жетекші компанияларда бақ сынап жататына көпшілік куә. Мысалы, ҚБТУ түлектері әлемге аты мәлім Google, Microsoft, Booking.com компанияларында және Силикон алқабында жұмыс жасауда, бұл жастардың алған білімі жоғары деңгейде екендігінің көрсеткіші екені сөзсіз.

ОРТАЛЫҚ АЗИЯДАҒЫ КӨШБАСШЫ

Техникалық жоғары оқу орындары арасында Қазақстан-Британ университеті ABET — Accreditation Вoard for Engineering and Technology аккредитациясын иеленген Орталық Азиядағы жалғыз көшбасшы білім ордасы.

 ҚБТУ
Фото: ҚБТУ баспасөз қызметі

ҚБТУ 2001 жылы ҚР Үкіметінің қаулысымен құрылып, сол кезде премьер-министр Қасым-Жомарт Тоқаев басшылығымен бұрынғы ҚазКСР Үкімет үйі ғимараты университетке берілген болатын.

БІЛІМ БЕРУ БАҒДАРЛАМАЛАРЫ

2001 жылы алғаш ашылған факультет — Мұнай-газ индустриясы факультеті болды. Бұл сол кезде ТШО, Қарашығанақ, NCOC, КҚК компанияларына қажет мамандарға сұраныстың артуына орай ашылған болатын. Содан бергі 22 жылда университетті 10 бағытта білім алған 6500-ден астам білікті маман тамамдап шыққан. Бүгінде ҚБТУ-да отандық индустрияға бағдарланған ондаған мектеп ашылған.

 ҚБТУ
Фото: ҚБТУ баспасөз қызметі

Мұнай-газ индустриясындағы энергетика, геология, химиялық инженерия, қолданбалы математика, бизнес мектебі, жасыл технологиялар және ABET аккредитациясын иеленген ІТ мектебі ашылған. Ал білім беру бағдарламалары халықаралық ұйымдарда, американдық SBSP-де тіркеуден өткен, ал бұл бағдарламалардың халықаралық талаптарға сай екендігінің көрсеткіші.

ҚАЗАҚСТАНДА ОҚЫП, ЛОНДОН ДИПЛОМЫН АЛУ МҮМКІНДІГІ

Университеттің бірегей білім беру бағдарламасы — ол Халықаралық экономика мектебі. ҚБТУ — Лондон экономика мектебінің білім беру орталығы ретінде танылған посткеңестік елдердің ішіндегі жалғыз жоғары оқу орны. Бұл студенттерге Қазақстанда халықаралық деңгейде білім алып, оқуды тамамдағанда Лондон университетінің дипломын қоса алуына мүмкіндік береді.

 ҚБТУ
Фото: ҚБТУ баспасөз қызметі

ӨНДІРІСПЕН САБАҚТАСТЫҚ

ҚБТУ білікті мамандарды дайындауда заманауи зертханалар құрып, өнеркәсіптік компаниялармен ынтымақтастық орната білген. Осылайша студенттер Schlumberger сынды мұнай-газ саласындағы жетекші компаниялармен серіктес орнатып, модельдеу, кәсіпорындарды басқару, сандық егіздер мен SMART Field жүйелерін құруды меңгереді.

Білім беру сапасы — тек оқу әдістемесімен шектелмейді, оқытушылар құрамы бұл процестегі ең маңыздысы. Университетте 300 оқытушы білім берсе, онымен қоса университет құрылымындағы екі ғылыми-зерттеу институтының қызметкерлері де оқытушылық үдеріске тартылған.

ҒЫЛЫМИ-ЗЕРТТЕУ ИНСТИТУТЫН ЖАҢҒЫРТУ

Білім ордасы орналасқан бұрынғы Үкімет үйінде 1957 жылдан бері күрделі жөндеу жүргізілмеген. 2001 жылы ғимараттың сол кездегі жағдайы шұғыл жөндеуді қажет етті. Ал жөндеу жұмыстарын аса мұқияттылықпен жүргізу міндеті бар, алайда Қазақстанда сол кезде талапқа сай мердігер табыла қоймаған. Бұл жағдай ҚБТУ-дың химия зертханасының ғалымдарын бірегей полимер өнімін әзірлеп шығуға септігін тигізген. Кейін ғимаратты қалпына келтіру жұмыстары кезінде бұл материалды баспалдақтарды, қабырғаларды, еденді жөндеуге қолданылған. 2018 жылдан бергі ғимаратты қалпына келтіру жұмыстарына ҚБТУ 2 млрд теңгеден астам инвестиция салған.

Қалпына келтіру жұмыстары кезінде университет инженерлік жүйелерді жаңартып, ғимараттың айналасындағы кеңестік кезде салынған субұрқақтар жүйесін қалпына келтіріп, ғимараттағы паркет пен панельдердің сақталуына аса мән берген.

ИНВЕСТИЦИЯЛАР

Ғимаратты қалпына келтіру — бұл университет салған инвестицияның тек аз бөлігі. Аудиторияларды, зертханалар мен кітапханаларды, оқу бөлмелерін жаңартуға қомақты қаражат жұмсалуда. Ең бастысы, студенттерді жатаханамен қамтамасыз ету мәселесі шешімін табуда. ҚБТУ-ға оқуға түсуге шетелден және басқа қалалардан келетін талапкерлер саны артуда, бұл өз кезегінде жатахана мәселесін туындатпай қоймасы анық. Мәселенің шешімі — студенттерге жатахана салу. Реті келгенде айта кетейік, университет барлық түскен дивидендттерді тек жоғары оқу орнын дамытуға бағыттауда, оған қоса жатақхана құрылысына ЖОО акционерлері қосымша 7 млрд теңге қаражат бөлген. Ал 980 орындық жатахана алдағы 2024 жылғы қаңтарда қолданысқа берілмек.

 ҚБТУ
Фото: ҚБТУ баспасөз қызметі

ТҮЛЕКТЕРДІҢ ЖҰМЫСҚА ОРНАЛАСУЫ

Түлектердің жұмысқа орналасуы — бұл жоғары оқу орындарының тиімділігін бағалаудың ең үздік көрсеткіші. ҚБТУ түлектері еңбек нарығында қашанда сұранысқа ие. Білім ордасын тамамдаған түлектердің барлығы дерлік жұмысқа орналасуда. Білім ордасының түлектеріне жұмыс берушілер де ұсыныс беруге әзір. Университеттің ына арнайы ұйымдастыратын бос жұмыс орындар жәрмеңкесіне 80-нен астам компания өз ұсыныстарын беруге ынта танытса, түлектердің көпшілігі осы кездесулерде бірден жұмысқа ұсыныс алып жатады.


Дереккөз: inform.kz