Пт. Фев 23rd, 2024

Ауқымды салтанатты шара аясында Қазақстан Республикасы ҰОК делегациясы Шымкентке барды.
Қазақстандағы Олимпиадалық қозғалыстың 30 жылдығына орай Ұлттық Олимпиада комитеті өңірлерде бірқатар шараларды жалғастыруда, деп inbusiness.kz хабарлайды. Шымкент Қазақстанға есімдері көпшілікке белгілі көптеген атақты спортшыларды сыйлады. Бұлар — көркем гимнастикадан бес дүркін Олимпиада чемпионы Нелли Ким, грек-рим күресінен төрт әлем кубогының жеңімпазы Бисолт Дециев, көркем гимнастикадан бірнеше дүркін Азия чемпионы Әлия Юсупова, бокстан Олимпиада ойындарының күміс жүлдегері Мұхтархан Ділдәбеков, Олимпиаданың күміс жүлдегері Жазихаппарк ( ауыр атлетика) , каратэден Олимпиаданың қола жүлдегерлері Софья Берульцева мен Дархан Асадилов, батут гимнастикасы бойынша әлем кубогының жүлдегері Пирмаммад Әлиев.

Арнайы шара аясында 30 жыл ішінде Қазақстан Республикасындағы олимпиадалық қозғалыстың дамуына зор үлес қосқан ардагерлер мен спорт қайраткерлерін, көрнекті спортшылар мен жаттықтырушыларының марапаттауы өтті.

Мерейтойлық медальдар мен дипломдар Азияның бірнеше дүркін чемпионы Әлия Юсуповаға, бокстан Олимпиада ойындарының күміс жүлдегері Мұхтархан Ділдәбековке, каратэден Олимпиаданың қола жүлдегері Дархан Асадиловке, садақ атудан ҚР құрамасының бас бапкері Григорий Кимге, бокстан әлем чемпионы Біржан Жақыповқа, атақты атқыштар Рашид Юнусметовке, Юрий Юрков пен Зоя Кравченкоға берілді.

ҚР ҰОК делегациясы мерейтойын тойлау аясында Қазақстанның барлық аймақтарында іс-шаралар өткізуде. Белгілі спортшылар, ардагерлер, спорт қайраткерлерінің қатысуымен салтанатты шаралар өткізілуде.
Ұлттық Олимпиада комитеті Халықаралық Олимпиада күнін тойлап жатқаны бұған дейін хабарланған болатын.


Ақпарат көзі: inbusiness.kz