Мысырда спорттық бағдарламалау бойынша 2022 және 2023 жылдардағы әлем чемпионатының финалы аяқталды, деп хабарлайды Sports.kz SPORT+ басылымына сілтеме жасап.
2023 жылғы финалда Harbor Space University командасының құрамында (Барселона, Испания) қазақстандық Батыр Сардарбеков алтын медаль жеңіп алды. Оның командасы турнир бойы көш басында болып, жеңімпаздар қатарында мәреге жетті. Қазақстандық спорт бағдарламашылары ICPC жарыстарына 20 жыл бойы қатысып келеді және біздің елден келген қатысушы алғаш рет алтын медальға қол жеткізді. Батыр Сардарбековтың жеңісі Қазақстанда зияткерлік спорттың бұл түрін дамытуға үлкен серпін береді.
Сондай-ақ 2023 жылғы финалда біздің елден 4 команда бақ сынады: Астана IT университеті (Астана), Қазақстан-Британ техникалық университеті (Алматы), Назарбаев университеті (Астана), Халықаралық ақпараттық технологиялар университеті (Алматы) . Қаһарлы күресте олар Сингапур Ұлттық университеті мен Мельбурн университеттерімен бірге 54 команданы жеңіп шықты.
Халықаралық ақпараттық технологиялар университеті мен Астана IT университетінің командалары 2022 жылғы финалда Кембридж университеті мен Вашингтон университеті сияқты университеттерді қосқанда 79 команданы артқа тастап бақ сынады.
Аймақтық іріктеуден, іріктеу кезеңнен өту және ICPC World Finals бағдарламасы бойынша ең беделді командалық олимпиаданың финалистерінің қатарына ену қазақстандық командалардың тамаша жетістігі, сондықтан финалға шығу үлкен жетістік болып саналады. Қатысушылар арасында планетаның ең үздік студент-бағдарламашылары, жаһандық IT саласының болашақ жұлдыздары бар. Жыл сайын Қазақстаннан қатысушылар саны артып келеді және бұл жолы рекордтық көрсеткіш жиналып, басқа елдердің көрсеткіштерінен асып түсті. Спорттық бағдарламалауды дамыту – Қазақстанның жаңа білікті және сұранысқа ие IT мамандарының өсуіне жасалған қадам.
ICPC World Finals 2024 спорттық бағдарламалаудан әлем чемпионатын өткізетін келесі ел Қазақстан болады. Чемпионаттың финалы қыркүйек айында Астанада өтеді.
Дереккөз: Sports.kz