Qazaq Oil қонақүйлер желісі жолдағы аялдаманың өзін өзінше бір саяхатқа айналдырады
Автомобиль жолдарының дамуы жол сапасымен қатар жол бойындағы сервис деңгейі туралы мәселені маңызды қылды. Қалаларының арасы алыс жататын Қазақстан үшін бұл әсіресе маңызды: жүргізушілер мен туристерге демалуға, тамақтануға және қонуға арналған қауіпсіз орындар қажет. Сондықтан заманауи жол инфрақұрылымын дамыту біртіндеп ішкі туризмнің өсуі мен елдің көлікке қолайлы болуына әсер ететін маңызды факторлардың біріне айналып келеді.
Мұның ең жарқын мысалы – Qazaq Oil компаниясы дамытып жатқан Keruen Inn қонақүйлер желісі.
Заманауи кешендер қонақүйді, кафе-дүкенді, автотұрақ, электр көліктеріне арналған қуаттау станцияларын, балалар алаңдарын, санитарлық тораптар мен басқа да қызметтерді бір жерде біріктіреді. Соның арқасында жүргізуші жанармай құйып, демалып, тамақтанып, түнеп, бағытын өзгертпей-ақ сапарын жалғастыра алады.
Әрбір нысан көлік нөпірінің ерекшеліктері мен өңірдің туристік әлеуетін ескере отырып салынған.
Мәселен, Меркідегі қонақүй еліміздегі ең дүбірлі магистральдардың бірі – Алматы – Тараз – Шымкент тас жолының бойында орналасқан.
Екінші Keruen Inn Арал қаласында ашылды. Бұл қала Қазақстанның оңтүстігі мен батысын байланыстыратын маңызды көлік дәлізінің бойында тұр. Заманауи қонақүйдің ашылуы Қызылорда облысы арқылы өтетін автокөлік жүргізушілері, жүк тасымалдаушылар мен туристер үшін жайлы демалыстың тағы бір мүмкіндігін берді.
Семейдегі қонақүй гибридті форматта салынған: мұнда 63 орынға арналған 21 бөлме қарастырылған. Бірінші қабат жылдам тынығуды қажет ететін жолаушыларға арналса, екінші қабат отбасылық қонақтарға бейімделген. Барлық бөлмелер қауіпсіздік пен жайлылықтың заманауи стандарттарына сәйкес келеді.
Желінің тағы бір нысаны Атырау облысының Қарабатан ауылында пайдалануға берілді. Бұл қонақүй туристермен қатар еліміздің батыс бағыттарында жұмыс істейтін кәсіби жүргізушілерге арналған.
Бесінші Keruen Inn Каспий теңізі жағалауындағы ең ірі көлік-логистикалық және туристік орталықтардың бірі – Ақтауда ашылды. Оның іске қосылуы Qazaq Oil жол бойы сервисінің бірыңғай желісін еліміздің батыс жағалауына дейін кеңейтіп, барлық саяхатшыларға бірдей қызмет көрсету стандартын қамтамасыз етуге мүмкіндік берді.
Қарқаралыдағы нысан жаңа тұжырымдама бойынша салынды. Жаңа Keruen Inn 31 бөлмеге есептелген және ұлттық паркке келетін туристерге де, өңіраралық ұзақ сапарға шығатын жүргізушілерге де бағытталған.
Ал шілде айының ортасында Қарағанды қаласында тағы бір Keruen Inn қонақүйі ашылады.
Осылайша, қонақ үй желілері Қазақстанның оңтүстігін, шығысын, батысын және орталығын байланыстыратын негізгі автомобиль бағыттарын қамтып, жол үстіндегі қауіпсіз әрі жайлы демалысқа арналған бірыңғай кеңістік қалыптастырып отыр.
Жобаның маңызды бөлігі – цифрлық сервистер. Vlife мобильді қосымшасы арқылы қонақтар бөлмеге алдын ала тапсырыс беріп, қызмет ақысын төлей алады және жол экожүйесінің түрлі сервистерін біріктіретін бонустық бағдарламаны пайдалана алады.
Осындай әрбір нысан жаңа жұмыс орындарын ашып, жергілікті тауар мен қызмет жеткізушілерді тартады, шағын бизнестің дамуына ықпал етеді және өңірлердің туристік тартымдылығын арттырады. Бұл әсіресе Қарқаралы сияқты бағыттар үшін өзекті, мұнда қосымша инфрақұрылымның сапасы туристердің маршрут таңдауына әсер ететін маңызды факторлардың біріне айналып отыр.
Жүре келе мұндай жобалар Қазақстан ішіндегі саяхат деген түсінікті түбегейлі өзгерте алады. Жол бойындағы сервистің деңгейі неғұрлым жоғары болған сайын, қалааралық сапарлар соғұрлым жайлы бола түседі, ішкі туризм дамиды және автомобиль бағыттары қазақстандықтар мен шетелдік қонақтар үшін тартымды бола түспек.
Фото: Qazaq Oil.