2016 жылғы Рио Олимпиадасының чемпионы, жартылай орта салмақтағы қазақстандық кәсіпқой боксшы Данияр Елеусінов (12-0, 7 КО) өзінің келесі қарсыласы ретінде WBC чемпионы америкалық Марио Барриосты (27-2, 18 КО) атады. Бұл туралы KAZ.NUR.KZ боксшының Instagram желісіндегі ресми парақшасына сілтеме жасап хабарлайды.
Қазақстандық боксшы Instagram желісіндегі ресми парақшасында Барриосты жекпе-жекке шақырып, чемпиондық титул үшін бақ сынауға дайын екенін айтты. Данияр Елеусіновтың сөзінше, бұл жекпе-жек оның мансабындағы маңызды кездесу болмақ.
«Екі апта бұрын мен сені жекпе-жекке шақырдым. Бірақ сен әлі де үнсіз отырсың. Қайдасың? Менен жасырынба. Соңғы жекпе-жегімде мен WBC Peace белбеуін жеңіп алдым. Ал менімен кездескеннен кейін сен «Жатқан жерің жайлы болсын» белбеуін аласың, ал мен сенің WBC Әлем чемпионы белбеуіңді тартып аламын», — деп жазды Данияр Елеусінов.
Айта кетейік, америкалық Марио Барриос WBC белбеуін қазан айында жеңіп алып, оны қорғау үшін қарсылас іздеп жатыр.
Дереккөз: Nur.kz