Спорттық жарысқа 11 филиалдан 50-ден аса адам қатысты, олардың дені өндіріс саласынан.
Өткен демалыс күндері Qazaq Oil Мұнай және газ саласы күнін мерекелеу аясында елорданың орталық саябағында өзінің алғашқы марафонын (10 шақырымға жүгіру) өткізді. Спорттық шараға компанияның 11 аймақтық филиалы мен орталық аппаратынан 50 қызметкер қатысты. Бұған дейін әр филиалда ішкі іріктеу өткізіліп, үздіктер республикалық деңгейде бақтарын сынауға аттанды.
Марафонды ұйымдастыру үшін компания қызметкерлердің көлік шығындарын өтеп, қонақүйге орналастырып, барлық жағдайды жасады. Болашақ жеңімпаздарға тағайындалған жүлделер арасында танымал сауда желілерінің бірінде спорттық киім сатып алу үшін ақшалай сертификаттар болды. Сонымен қатар бірінші орынға 300 мың теңге, екінші орынға 200 мың теңге және үшінші орынға 100 мың теңгенің сертификаты әзірленді.
«Біздің мақсатымыз – жүйріктердің қандай да бір спорттық жетістіктерін анықтау емес, мұндай іс-шараларда біз компанияның корпоративтік мәдениетінің дамуын және спортты қолдауды көреміз. Сайыс соңында жағымды кері байланыс көретін болсақ, әрине бұл марафонды болашақта дамытатын боламыз. Менің ойымша, бұл спорттық іс-шара алдағы жылдары бұдан да ауқымды болады», – деді Qazaq Oil қаржылық директоры Жасын Тәжкеев.
Бұл ретте ол марафонға өзі де қатысқанын, ал жас кезінде дзюдомен айналысқанын атап өтті.
Марафонның ашықтығын қамтамасыз ету үшін қатысушылар барлық жарыстарды бақылау үшін смартфондарына Strava қосымшасын жүктеп алды. Компанияның HR қызметі жарыстың басынан аяғына дейін процесті бақылап, әр төрт айналымдағы нәтижелерді жазып отырды.
«Біз жыл сайын марафон өткізуді жоспарлап отырмыз, басқа да спорттық іс-шаралар қосу ойымызда бар. Қыркүйек айының соңында үстел теннисінен турнир де жоспарланған. Келесі жылы біз оны кеңейтіп, басқа да спорт түрлерін қосамыз. Мұның бәрі осы оқиғалардың қалай өтетініне байланысты. Бірақ біз қызметкерлеріміздің спортпен айналысуы және салауатты өмір салтын ұстануы үшін олардың көңіл-күйін көтеруге тырысамыз», – деп атап өтті Qazaq Oil компаниясының HR менеджері Әсем Қабжанова.
Жарысқа қатысушылардың дайындыққа бір ай ғана уақыты болды, сондықтан көбі тыңғылықты дайындалды. Жарыс алдында өңірлерден келген жүйріктер ойларын ортаға салды.
«Мен Qazaq Oil компаниясында үш жыл жұмыс істеймін. Менің ойымша, мұндай шаралардың өткізілуі өте жақсы идея. Марафонның жыл сайын қайталануын қалаймын. Бұл шараға қатысқаныма қуаныштымын. Бір ай бойы дайындалдым, бұрын спортта тәжірибем бар, бірақ ол ертеректе болған. Мұндай іс-шаралар басқа спорт түрлері бойынша да қажет екені сөзсіз. Жеке өзім салмақ көтеруден жарыс болғанын қалаймын, жақсы болар еді», – деп бөлісті Қостанай қалалық филиалының қоршаған ортаны қорғау секторының менеджері Арман Жабагин.
Қарағандыдағы мұнай базасында технологиялық сорғылардың машинисті Болат Абдулғазинов тек бірінші орын алу мақсатымен келгенін жеткізді. Бұрын былғары қолғап шебері болғанымен, осы жарысқа тыңғылықты дайындалған. Төрт күн сайын 12 шақырымнан жүгіріп, шеберлігін шыңдаған.
«Компанияда жұмыс істеген 14 жылда мұндай марафон бірінші рет өткізіліп отыр. Осындай шараны ұйымдастырғандары үшін қуаныштымын. Жыл сайын жүгіруден ғана емес, басқа да спорт түрлерінен жарыстар өткізу қажет деп есептеймін», – деді маман.
«Қазіргі уақытта эмоциялар басым, көңіл-күй керемет. Жеңеміз деп үміттенеміз. Спорттық тәжірибем бар, мектептегі және студенттік жылдары марафондарға қатысып, тіпті жүлделі орындарға ие болғанмын. Біздің облыстан үш адам, қалғандарынан бірнеше адам келді. Мұндай іс-шаралар ұжымды біріктіреді және басқа филиалдардағы әріптестермен жақынырақ танысуға мүмкіндік береді. Жарыстарды жиі ұйымдастыру керек деп ойлаймын. Бірақ, менің ойымша, бұл жерде ең бастысы бәсекелестік емес, қатысу», – дейді PetroRetail филиалының Ақмола және Қостанай облыстары бойынша кадр секторының менеджері Сәуле Қуандықова.
Жарыс алдында нұсқаулық алып, жаттығулар жасаған Qazaq Oil компаниясының барлық 50 қызметкері жасына және жынысына қарамастан старт жарияланғаннан кейін бірге жүгірді.
Кейбір қатысушылар бірден алға шықса, басқалары соңғы айналымға күштерін сақтап қалды, бірақ бастысы бұл емес. Жағымды көңіл-күй, музыка, мотивация және елорда саябағындағы қарағайлар – атмосфера таза ауада көңілді және белсенді жүгіруге қолайлы болды.
Барлық қатысушылар 10 шақырымдық төрт айналымды аяқтаған кезде, төрешілер нәтижелерді жариялады. Сонымен, 1-орынды 10 шақырымға жүгірген жігерлі қарағандылық, көп балалы әке Болат Абдулғазинов жеңіп алды. Оның нәтижесі 38 минут 45 секунд, екінші орынды 45 минут нәтижемен СРН менеджер Әлібек Омаров иеленді және үшінші орын 46 минут нәтижесімен Шығыс Қазақстан облысының құю-төгу операторы Руслан Алмасұлына бұйырды.
«Бұл жолы мен өз рекордымды жаңарттым және нәтижеге өте ризамын. Жылы қарсы алып, марафонды тамаша ұйымдастырғаны үшін алғыс айтқым келеді. Мен жүлделі сертификатты төрт балама спорттық тауарларды сатып алуға пайдалануды жоспарлап отырмын. Волейбол, футбол, баскетбол, армрестлинг, теннис және т.б. жарыстар жиі өткізілсе жақсы болар еді. Барлық қатысушыларда тек жағымды эмоциялар алды деп ойлаймын», – деп жеңімпаз Болат Абдулғазинов өз әсерімен бөлісті.
Айта кететіні, Qazaq Oil компаниясы Қазақстанда спортты дамытуға үлкен көңіл бөледі. Мәселен, компания жуырда арнайы су доптары өндірісіне демеуші болды. Бұған дейін Qazaq Oil 2022 жылғы Бейжіңдегі XIII қысқы Паралимпиада ойындарында спортшыларға қолдау көрсеткен болатын. Сонымен қатар, жанармай құю станциялары желісі джиу-джитсу, бокс, үстел теннисі және су спорты сияқты спорт түрлерін дамытуға қолдау көрсетеді.
Ақпарат көзі: inbusiness.kz