Оқиға 30 қаңтар түнгі 00.07 шамасында Ботақара кенті Әуезов көшесіндегі қосқабатты 12 пәтерлі үйде болған.
Үйінді астында әлі де адамдар бар, деп хабарлайды inbusiness.kz сайты.
Облыстық төтенше жағдайлар департаментінің бастығы Мұрат Қатпанов алдын ала болжам бойынша тұрмыстық газ баллоны жарылған дейді.
Кейіннен екінші қабат жартылай опырылған. Өрт шықпаған.
«Опырылған аумақ анықталып жатыр. Біздің болжам бойынша, үйінді астында адамдар бар. Жергілікті жерде штаб ұйымдастырылған. Оқиға орнында 45 адам және 13 техника жұмыс істеп жатыр», – дейді Мұрат Қатпанов.
Қазіргі уақытта үйінді астынан 6 адам шығарылып, Ботақара кентінің орталық ауруханасына жеткізілді.
Басқа адамдарды іздеу жұмысы жалғасып жатыр.
Дереккөз: Inbusiness.kz