Компания Қазақстанда жаңа қызмет көрсету стандартын енгізіп жатыр
Қытаймен шекарада орналасқан “Достық” станциясында жаңа Qazaq Oil жанармай құю кешені ашылды. Жаңа кешен Үшарал автожолы мен Ақтоғайдан келетін темір жолдың түйісу нүктесінде орналасқан.
Бұл жер Жібек жолы бойындағы Шығыс пен Батыстың түйіскен жері саналады.
Компания бұл нысанды жаңадан тұрғызып, қажетті коммуникацияларды тартқан. Авто жанармай құю станциясы территориясында тир алаңы мен ірі габаритті көлікке арналған тұрақ бар. Ұзақ жолға шыққан көлік жүргізушілеріне тынығуға, бой жазуға ыңғайлы жағдай қарастырылған. Атап айтқанда, Workout алаңында жүргізушілер спортпен де айналыса алады.
Бұл шекара портындағы ең ірі станция саналады. Мұнда жанармай құятын үш колонка мен ірі жүк көліктеріне арналған екі жылжымалы дизель колонкасы бар. Немістің Gilbarco фирмасынан алынған құрылғылар ірі жүк көліктерінің көлемді багын жылдам толтыруға мүмкіндік береді. Осылайша логистика мәселесі оңтайлы шешімін таппақ.
Qazaq Oil компаниясы қызмет көрсетудің жаңаша стандартын көрсетіп отыр. Шынтуайтына келгенде, бұл жай ғана жанар май құю станциясы емес ірі экологиялық жүйе боп табылады.
Көліктерді жанармаймен толтыру қызметтер кешенінің бір бөлігі ғана. Одан бөлек ыңғайлы сервис мәселесі тағы бар.
Территориясы ұлан ғайыр Қазақстанда әр Qazaq Oil станциясы өркенитеттің оазисі іспеттес. Бұл станцияларда ыстық кофе де ішуге болады.
Қаладан тыс жолдарда қолайлы жағдай қарастырылмағанын жалпақ жұрт жақсы біледі. Тіпті жолда санитарлық гигиеналық жағдайдың да сапасы сын көтермейді.
Қарапайым әжетхана мен тұрмыстық қажеттіліктің жоқтығы әрбір жолаушыны ойландырып, Қазақстанның шынайы ахуалы туралы кері әсер қалдыратыны ақиқат.
Qazaq Oil осы мәселенің оңтайлы шешімін тауып, жүргізушілер мен жолаушылардың демалуына қолайлы жағдай жасап отыр.
Сонымен қатар, қоршаған ортаның ластануының алдын алады.
Авто жанармай құю станциясының дизайны Qazaq Oil брендбугына сәйкес жасалған. Мұнда 150 текше метр мұнай өнімі сыятын резервуар паркі бар. Мұнай өнімін базадан жанар май станциясына дейін Qazaq Oil мамандары тасымалдайды.
Компанияның арқасында 21 адам жұмыс орнымен қамтылды. Оларға тұрақты түрде жалақы төленіп отырады.
Ауыл тұрғындары сапалы жанармай қолданып, ауданы 55 шаршы метр сауда орталығында қажетті заттарын ала алады.
«Достық станциясының тұрғындары осы өңірде қашан жанармай станциясы салынатыны туралы әлеуметтік желіде көп сауал қоятын. Бүгін Конституция күні қарсаңында осы нысанды ашып отырмыз. Қазақстанның шығысындағы ең ірі жанармай станциясы аймақтың экономикалық дамуына үлкен септігін тигізетініне сенімдіміз», — деді компанияның баспасөз қызметінен.
Айта кету керек, 2022 жылы бірінші жартыжылдықта “Достық” станциясының жүк айналымы 6 398 458 тоннаға жеткен.
Мұнда Қытай мен Еуропаға кететін тауарды сорттауға арналған ірі қоймалар орналасқан. Сондықтан, “Достық” станциясы елдегі ең ірі логистикалық хаб саналады.
Қазақстанда Qazaq Oil компаниясының 380 станциясы орналасқан.
Ақпарат көзі: Ratel.kz