Бұқаралық ақпарат құралдарында дұрыс емес және жалған ақпараттың таралуына байланысты Данияр Әбілғазин мәлімдеме жасады, деп хабарлайды inbusiness.kz.
«Мен Грекияның Гидра аралында болған өртке байланысты қатты өкінемін.
Түсінікті болу үшін мен Persephoni I яхтасын 2024 жылдың 15 маусымы сағат 12:00-ден 2024 жылдың 22 маусымы 12:00-ге дейін өзім және менің қонақтарым үшін Греция аралдары бойынша круиз ұйымдастыру үшін жалдадым. Бастапқыда 22 маусымға жоспарланған Грекиядан кетер алдында бізбен Грекия билігінің өкілдері сөйлесті, олар бұл оқиғаға байланысты маған немесе менің қонақтарыма ешқандай шағым айтқан жоқ. Осылайша, біз алдын ала жасалған саяхат жоспарларымызды орындауды жалғастырдық. Айта кету керек, кейбір қонақтар 2024 жылдың 21 маусымында таңертең кетіп қалды.Қайтып оралған соң баспасөзде жарияланған айыптаулар туралы білу біз үшін күтпеген жағдай болды және мен кез келген заң бұзушылықты үзілді-кесілді жоққа шығарамын.
Мен де, қонақтарым да өртке әкеп соқтыратын әрекеттер жасаған жоқпын. Яхтада белгіленген өрт қауіпсіздігі ережелерін қатаң сақтадық. Мен де, менің қонақтарым да яхта экипажынан немесе басқа үшінші тұлғалардан өртке әкеп соқтыратын әрекеттерді жасауды сұраған жоқпын.
Біз әрқашан барлық қажетті қауіпсіздік шараларын ұстанамыз және мұндай оқиғаларды болдырмау үшін заңдар мен ережелерді қатаң сақтаймыз. Біз Грекия билігімен олардың тергеуінің бір бөлігі ретінде ынтымақтасатын боламыз.
Тергеу жалғасып жатқандықтан, қосымша түсініктеме беру немесе болжам айту орынсыз»
Дереккөз: inbusiness.kz