10 және 11 тамызда 1ХВЕТ QFL Лига Кубогының жартылай финалдық матчтары өтеді. Жаңа трофей үшін күресті «Жеңіс», «Астана», «Қайрат» және «Елімай» футбол клубтары жалғастыруда. Рекордтық жалпы жүлде қоры 1 миллион долларды құрайтын QFL турнирінің титулдық демеушісі 1ХВЕТ компаниясы болып табылады.
Бірінші жартылай финалдық ойында «Жеңіс» «Қайратты» қабылдайды. Командалар осы маусымда Премьер-Лига аясында екі рет кездесті, онда алматылықтар қонақта қарсыласын 2:0 есебімен жеңді, ал жауапты ойынында 1:1 есебімен тең түсті.
Жаңа турнирдің топтық кезеңінде астаналықтар «Ақтөбе», «Тобыл» және «Қайсар» клубтарын артта қалдырып, 6 ұпаймен В тобының көшбасшылары атанды. Сонымен қатар,»Қайрат» 7 ұпаймен А тобынан сенімді түрде шығып,» Ақжайық «командасын (9:0) жеңіп, «Қызылжармен» (1:1) тең ойнап, «Таразды» (2:1) жеңді.
Айтатын жайт, «Қайраттың» шабуылшысы Жоао Пауло турнирдің үздік бомбардирі (4 гол). Екі команда да 1ХВЕТ QFL Лига Кубогында ұту үшін ең жоғары міндеттер қояды.
«Біз кубокты ұтып алғымыз келеді. Біріншіден, бұл беделді және біздің имиджімізге жақсы әсер етеді, екіншіден, жеңіс жақсы жүлделерді уәде етеді. Бұл бізге келесі маусымға дайындықты сапалы жүргізуге көмектеседі, жалпы алғанда, біз тапқан ақшамызды клубты дамыту үшін көптеген бағыттарға жұмсай аламыз», — деді «Жеңіс» клубының бас директоры Айдын Қожахмет QFL баспасөз қызметіне берген сұхбатында.
Кубок иегеріне 90 млн теңге төленеді, ал күміс жүлдегер 50 млн теңге алады, деп хабарлайды QFL сайты.
Финалға тағы бір жолдаманы «Елімай» және «Астана» даулайды. Андрей Карповичтің шәкірттері 7 ұпай жинап, С тобында сенімді өнер көрсетті. Команда «Тұранды» (3:0) және «Атырауды» (3:0) жеңді, сондай — ақ «Ордабасымен» тең ойнады — 2:2. Сонымен қатар,»Астана» бірінші турда (1:2) «Жетісудан» сенсациялық жеңілістен кейін» Каспийге» (5:0),»Шахтерге» (4:2) мүмкіндік қалдырмады және 6 ұпаймен D тобының көшбасшысы атанды. Елордалық клуб осы маусымда Премьер-Лигада «Елимайдан» ұтылды (0:1) және реваншқа дайындалады. Бірақ, Григорий Бабаянның шәкірттерін конференциялар лигасының біліктілігі аясында маңызды ойын күтіп тұрғанын ескерген жөн.
Естеріңізге сала кетейік, «Жеңіс» — «Қайрат» матчы 10 тамызда сағат 18:00 — де Қарағандыдағы «Шахтер» стадионында, ал «Елімай» — «Астана» ойыны 11 тамызда сағат 20:00-де Семейдегі «Спартак» стадионында өтеді.
Жанкүйерлер командаларды қолдап қана қоймай, титулдық демеушіден сыйлықтар ұтып алу мүмкіндігіне ие болады. Жартылай финалдың тікелей эфирін Q Football, Q Arena және жаңа Q football мобильді қосымшасынан көруге болады.
* Букмекерлік қызмет Қазақстан Республикасында лицензияланады
Дереккөз: Nur.kz