«Halyk» қайырымдылық қорының қолдауымен республикалық футбол турнирі «HALYK OPEN CUP — 2024» өтті
Турнирге Қазақстанның түкпір-түкпірінен 32 команда қатысты, жалпы саны 450 бала. Турнир чемпионы атағын Маңғыстау облысының командасы жеңіп алды. Екінші орынды Түркістан облысының командасы иеленді, үшінші орынды Алматы облысының командасы еншіледі.
Турнир жеңімпаздары мен жүлдегерлеріне кубоктар, медальдар және бағалы сыйлықтар, оның ішінде футбол формасы, спорттық киімдер, доптар мен балаларға арналған кітаптар табыс етілді.
HALYK OPEN CUP — «Halyk» қайырымдылық қорының көптеген бастамаларының бірі. 2016 жылы Тимур Құлыбаевтың басшылығымен құрылған кезден бастап «Halyk» қоры 85 миллиард теңгеге 120-дан астам әлеуметтік жобаны іске асырды.
ДЕРЕККӨЗ: HALYKFUND.KZ