Сауда және интеграция министрлігі мен еліміздегі ірі банк Halyk шағын және орта бизнес секторында бірлескен жобаларды іске асыру бойынша ынтымақтастықты бастады.
6 желтоқсан күні Сенатта «Азық-түлік қауіпсіздігі – ұлттық қауіпсіздіктің негізгі құрамдас бөлігі» тақырыбында парламенттік тыңдау өтті. Азық-түлік өнімдерінің саудасы мен экономикалық қолжетімділігін дамыту, олардың сапасы мен қауіпсіздігі, ауыл шаруашылығының азық-түлік қауіпсіздігіне әсері секілді мәселелер талқыланды, деп хабарлайды inbusiness.kz сайты.
Парламенттік тыңдау аясында Сауда және интеграцияның бірінші вице-министрі Айжан Бижанова мен Halyk Басқарма төрағасының орынбасары Дәурен Сартаев банктің ел нарықтарын цифрландыру жөніндегі жобасын таныстырды.
Сұрақ-жауап сессиясында Премьер-министрдің орынбасары Серік Жұманғарин Halyk Bank-тің агроөнеркәсіптік кешенді қаржыландырудағы өз өндірісінің үлесін арттырудағы рөлін атап өтті. Вице-министр Айжан Бижанова ұсынылған бастамалардың негізгі сипатына баса тоқталды.
Атап айтқанда, Қазақстандағы аса ірі банктің ұсыныстары елде азық-түлік тауарларын жеткізу тізбегін қаржыландыру саласын, оның ішінде қолданыстағы цифрлық несиелік өнімдерді дамыту мәселесін қамтиды, онда өтінімдердің 80%-ы 2-3 минут ішінде банктің мақұлдауынан өтеді.
Дәурен Сартаев нарықтар кәсіпкерліктегі ең ашық емес буынның бірі болып табылатындықтан, сауда министрлігімен бірге осы саланы цифрландыру бойынша жоба әзірленгенін жеткізді.
«Экономиканың негізгі кредиторы ретінде бізге сауда айналымының барлық қатысушысының барынша ашық болуы несиелеу көлемін арттыру және кредиттік тәуекелдерді басқару үшін өте маңызды. Жұмыс тәжірибеміз көрсеткендей, экономиканың көптеген саласын цифрландыру қауіпсіздіктің тиісті деңгейін қамтамасыз ету кезінде барлық процестің ашықтығына оң ықпал береді. Цифрлық технологияларды енгізу және пайдалану нарықтар мен базарлардағы ақша ағындарын бақылауды жақсартуға мүмкіндік беріп, көлеңкелі экономикамен күресте көмегі бар әрі халықтың өзін-өзі жұмыспен қамтыған халықтың қаржылық сауаттылығын арттыруға әсер етеді.
Мысалы, биылғы қараша айында Алматыда арнайы акцияны іске қосып, ол бір айда Қазақстандағы нарықтарды цифрландырудың зор әлеуетін көрсетті. Барлық кезеңде оңтүстік астананың негізгі нарықтарындағы 2000-нан астам кәсіпкерді цифрлық өнімдерге көшіре алдық. Бұл көрсеткіштер біздің мемлекетіміз бен нарықтық экономиканың басқа да қатысушылары үшін заманауи шешімдерге белсенді көшуді ынталандыруға сигнал беруі тиіс деп білеміз», – деді Дәурен Сартаев.
Бір ай бұрын басталған Halyk Bank-тің пилоттық жобасы Алматының алты ірі базарында сауда нүктелерін жалға алатын және көтерме-бөлшек саудамен айналысатын шағын және орта бизнес кәсіпкерлеріне бағытталып отыр. Олар:
- «Алтын Орда»,
- «Ақ бұлақ 1,2,3»;
- Жасыл базар;
- Көтерме сауда («Жұлдыз» базары);
- Түрксіб жәрмеңкесі;
- Car City.
Акция шарттары бойынша кәсіпкерлерге Halyk-тың Onlinebank цифрлық өнімдерін тегін қосу мүмкіндігі ұсынылады. Атап өтетіні, электрондық инвойсинг, Halyk QR арқылы төлемдерді қабылдау мен Halyk POS-терминалдарын қосу банк комиссиясынсыз жүзеге асырылады.
Бұдан басқа кәсіпкерлердің 1 миллион теңгеге дейінгі цифрлық несиені ресімдеуге мүмкіндігі бар әрі үш айға дейінгі мерзімге сауда нүктесін тегін жалға алу туралы ұтыс ойынына қатыса алады.
Жоба аясында сатып алушыларға Halyk QR арқылы сатып алулар үшін қолма-қол ақшасыз, яғни сауданы несиелеу және фискализациялау үшін ашық ынталандыру үшін 5% бонус беріледі.
Сауда және интеграция министрлігінің өкілдері бүкіл Қазақстан бойынша осы жобаны қолдауға ниетті екенін білдіріп отыр. Жақын арада министрлік пен Halyk Bank арасындағы ынтымақтастық туралы тиісті меморандумға қол қойылады деп күтіліп отыр.
Дереккөз: inbusiness.kz