31 желтоқсанда Астана тұрғындары мерекелік отшашудың куәсі болады.
Астанада 31 желтоқсанда түнгі сағат 00.00-де жаңа жыл құрметіне мерекелік отшашу шашылады. Әкімшілік мәліметінше, ол демеушілер қаражат есебінен ұйымдастырылады.
«Отшашу екі жерде өтеді: Ботаникалық бақ және «Атырау» көпіріне іргелес аумақ. Әр жерде шамамен 2,5 мың мәрте атылады», — деп хабарлайды Астана әкімдігі.
Бұған қоса, Жаңа жыл қарсаңында 31 желтоқсаннан 1 қаңтарға дейін қаланың үш жерінде мерекелік іс-шаралар ұйымдастырылады.
«31 желтоқсанда кешкі сағат 21:00-ден 02:00-ге дейін елорда алаңында, «Қазақ елі» монументі аумағында және ЭКСПО алаңында эстрада жұлдыздары мен шығармашылық ұжымдар мерекелік концерт береді.
Бұған қоса, мерекелік бағдарлама Тәуелсіздік даңғылы, Орталық саябақ, Ататүрік саябағы, «Промышленный» елдімекені және «Көктал» саябағындағы Оқушылар сарайының аумағында өтеді.
ДЕРЕККӨЗ: NUR.KZ