Күдікті қазіргі уақытта Петропавл қаласының тергеу изоляторына қамалды.
Бас прокуратура кәмелетке толмаған баланы зорлады және өлтірді деп айыпталған адамды Ресейден экстрадициялады, деп хабарлайды inbusiness.kz сайты.
«Аталған тұлға 2008 жылы Павлодар облысы Ақсу қаласындағы пәтерлердің бірінде кәмелетке толмаған баланы зорлаған. Осыдан кейін күдікті зорлау үшін жауаптылықтан қорқып, таныстарымен бір топ адам болып әрекет етіп, кәмелетке толмаған баланы күштеп көлікке отырғызып, ауылдық аймаққа алып кеткен. Жол бойында сыбайластардың бірі бұрын адам өлтіргені үшін сотталған тұлға бола тұра, жәбірленушінің мойнын ұстап, оны тұншықтырып өлтірген. Ізін жасыру үшін қаскүнемдер кәмелетке толмаған баланың денесін далаға көмген», – делінген хабарламада.
Кәмелетке толмаған баланы зорлап, оны өлтіруді ұйымдастырған, қашып үлгерген және 15 жыл бойы халықаралық іздеуде болған сотталушыны қоспағанда, адам өлтіруге қатысы бар тұлғалар әртүрлі жаза түрлеріне сотталды.
Өткен жылғы қыркүйекте ол Ресей Федерациясының Краснодар өлкесінде ұсталып, кейін Бас прокуратураның сұрауы бойынша Қазақстанға экстрадицияланған.
Дереккөз: inbusiness.kz