Өткен 6 аптада ЖРВИ-ның 22 235 жағдайы тіркелді.
Алматыда жіті респираторлық вирустық инфекция жұқтырған тұрғындар саны көбейді, деп хабарлайды inbusiness.kz сайты.
Алматы қалалық санитарлық-эпидемиологиялық бақылау департаменті басшысының орынбасары Әсел Қалықованың айтуынша, мегаполисте ЖРВИ сырқаттанушылық бойынша маусымдық көтерілу байқалады.
«Өткен 6 аптада ЖРВИ-ның 22 235 жағдайы тіркелді, 100 мың тұрғынға шаққандағы сырқаттанушылық көрсеткіші — 997,2%. Осы жылдың қарашасынан бері А/H3N2 типті тұмаудың 232 расталған жағдайы тіркелді. Барлық пациенттерге емдеу тағайындалды, жағдайы қанағаттанарлық», — дейді Әсел Қалықова.
Айтуынша, қалада риновирус, бокавирус, РС вирус, аденовирус, парагрипп, маусымдық коронавирус айналымда жүр.
Дереккөз: inbusiness.kz