23–30 қараша аралығында Румынияның Клуж-Напока қаласында үстел теннисінен жастар арасындағы әлем чемпионаты өтуде.
Қазақстандық Алан Құрманғалиев Клуж-Напока қаласында өтіп жатқан жастар арасындағы әлем чемпионатының ширек финалына шықты. Спортшымыз аралас жұптық сында Египеттен келген Хана Годамен бірге өнер көрсетуде.
Дуэт 1/8 финалда жапониялық Казуки Ёшияма/Юна Оджио жұбынан басым түсті. Кездесу 3:2 есебімен аяқталды.
Ширек финалда Құрманғалиев пен Года Қытай спортшылары Ли Хэчэн/Цинь Юйсюань жұбымен кездеседі.
Айта кетейік, Алан Хана Годамен бірге 2022 жылы Тунисте 15 жастағы спортшылар арасында алтын медаль жеңіп алған болатын.
Дереккөз: inbusiness.kz