Құны 47 млн теңге тұратын workout-алаңы триатлон саябағында ашылды.
«Ақтөбе» ӘКК» АҚ бұрынғы басшылығымен «Ақтөбе қаласында коттедж қалашығын салу» инвестициялық жобасын іске асыру барысында жер учаскелерін төменгі бағамен жүзеге асыру жөніндегі сыбайлас жемқорлық құқық бұзушылығын анықтаған болатын. Кейін лауазымды тұлғалар келтірілген залалды өтеген. Тәркіленген197 млн теңгенің 150 млн теңгесі Мұғалжар ауданы Құмжарған ауылындағы мектеп құрылысын аяқтау үшін пайдалану туралы шешім қабылданған. Қалған 47 млн теңгесіне Ақтөбе қаласында Workaut алаңын ашуды жоспарланған еді.
![](https://inbusiness.kz/uploads/2023-7/buZfnOYQ.jpeg)
Жаңадан ашылған «стрит воркауттың». бір артықшылығы- ол жерде тек жаз мезгілінде ғана емес, қыста да барып жаттығуға болады.
«Мемлекет басшысы сыбайлас жемқорлықтан өтелген қаражатты қоғамның пайдасына бағдарлау туралы тапсырма бергені белгілі. Ол біздің өңірде орындалып жатыр. Мұндай үлкен воркаут-алаңның ашылуы аймақта спорттың дамуына серпін береді деп үміттенеміз», — деді облыстық сыбайлас жемқорлыққа қарсы қызмет басшысы Есқали Саламатов.
Жаңа нысанның ашылуына орай «Tartyl Fest» т фестивалі ұйымдастырылып, оған 18 бен 40 және одан жоғары жастағылар қатысып, турникке тартылудан жарысты. Жеңімпаздарды үш санат бойынша анықтап, марапаттады.
Ақпарат көзі: inbusiness.kz