Трансұлттық есірткі тобының 2 мүшесі ұсталды.
Ұлттық қауіпсіздік комитеті көршілес мемлекеттердің арнайы қызметтерімен бірлесіп, халықаралық есірткі трафигі арнасының жолын кесті, деп хабарлайды inbusiness.kz сайты.
250 литр «метамфетамин» есірткі заты түріндегі заңсыз жүк түрлі брендтердің сусындарында жасырылып, Қазақстан аумағы арқылы транзитпен Ресейге бағытталған.
![](https://inbusiness.kz/uploads/2024-6/sm6FFXRu.jpg)
Өзара әрекеттестік нәтижесінде Мәскеу облысында аталған тауарды беру кезінде трансұлттық есірткі тобының 2 мүшесі ұсталды.
Сондай-ақ, ұсталған адамдардан сұйықтықтан есірткі алуға арналған жабдық тәркіленді.
![](https://inbusiness.kz/uploads/2024-6/2c3aAe97.jpg)
Жыл басынан бері ҰҚК шетелдік әріптестермен бірлесіп 19 халықаралық есірткі арнасының жолын кесті, заңсыз айналымнан 400 кг астам есірткі заттары мен 4 тонна көкнәр сабаны тәркіленді.
Дереккөз: inbusiness.kz