Бұл туралы прокурор Айжан Аймағанова айтты.
Бүгін Астанада азаматтық некедегі әйелі Салтанат Нүкенованы «қатыгездікпен өлтірді» деген айып тағылған экс-министр Қуандық Бишімбаевтың соты өтіп жатыр, деп хабарлайды inbusiness.kz сайты.
«Құрметті алқабилер, адамды бір нәрсе үшін өлтіру керек пе? Бишімбаев Салтанатты қызғаныштан өлтірді. Тағы бір маңызды нәрсе — Бишімбаевтың қорғаушылары айыптау актінде Салтанат өлген уақыт екі түрлі келтірілгенін, Салтанат кешкі уақытта қайтыс болғанын айтады. Бұл олай емес. Егер айыптау актін дұрыстап қарасақ, Бишімбаев 9 қарашаға қараған түн ұра бастағаны жазылған. Оған куәгерлердің айғағы да дәлел», — дейді прокурор.
Дереккөз: Inbusiness.kz