Бұл туралы Қазақстан Республикасы Су ресурстары және ирригация министрлігі хабарлайды.
Қазақстанда Каспий теңізінің ғылыми-зерттеу институты құрылады, деп жазады inbusiness.kz сайты.
Үкімет институтты құру туралы тиісті министрлік әзірлеген қаулыны бекітті.
«Бұған дейін, Мемлекет басшысы теңізді сақтау мақсатында Каспий теңізін зерттейтін мемлекеттік ғылыми институт құруды тапсырған болатын. Мұндай ұйымдар Каспий маңындағы басқа елдерде де бар. Институттың құрылуы кешенді түрде бар проблемаларды зерделеуге, ауқымды мәселелерді шешуге және халықаралық ынтымақтастықты нығайтуға мүмкіндік береді», — деп атап өтті Қазақстан Республикасының Су ресурстары және ирригация министрі, Нұржан Нұржігітов.
Ведомствода атап өткендей, ғылыми-зерттеу институты Каспий теңізінің экологиялық проблемаларын, су деңгейін төмендету мәселесін, итбалықтар мен балықтардың жаппай қырылу себептерін, Каспий итбалықтарының популяциясын сақтау мәселелерін, ихтиофаунаны, Каспий су айдыны мен жағалауын зерттейтін болады.
«Тағы бір бағыт Каспий маңы мемлекеттерінің әріптестерімен тығыз қарым — қатынасты қамтамасыз етеді», — деп атап өтті Су ресурстары және ирригация министрлігінде.
Сондай-ақ, министрлік институт Каспий теңізінің экожүйесі туралы әділ және тәуелсіз ақпарат беретінін және алынған мәліметтер мемлекеттік және жергілікті атқарушы органдардың кешенді шаралар қабылдауына негіз болатынын хабарлады.
Сонымен қатар, ведомство ғылыми ұйымның құрылуы Каспий теңізін сақтау жөніндегі халықаралық және ұлттық міндеттемелерді толық орындауға да мүмкіндік беретініне сенімді.
Дереккөз: Inbusiness.kz